ཆབ་མདོ་མང་རི་དགོན་ནས་བརྟན་བཞུགས་ཕུལ་བ།

[ཟླ་ཚེས། 2020-01-27 10:57:40][རྩོམ་པ་པོ། མང་སྤྲུལ་བསོད་ནམས་གཡུང་དྲུང་།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

   ༧སྐྱབས་རྗེ་ཡོངས་འཛིན་རིན་པོ་ཆེ་མཆོག་དགུང་གྲངས་གོ་ལྔར་ཕེབས་པའི་གོ་སྟོན་ལ།   མགོན་པོ་གོང་གི་སྐྱབས་འོག་ཏུ་འདུས་པ་བོད་ལྗོངས་ཆབ་མདོ་མང་རི་དགོན་སྡེ་གཉིས་ནས།    ངོ་བོ་རྒྱལ་བ་དང་མཉམ་ཞིང་དཀའ་དྲིན་རྒྱལ་བ་ལས་ལྷག་པའི་དྲིན་ཆེན་དམ་པ་མཆོག་ལ།   དཀའ་དྲིན་རྗེས་དྲན་གྱི་ཚུལ་དུ།
   མཎྚལ་སྐུ་གསུང་ཐུགས་རྟེན་དང་ཚེ་སྙིང་བྱེ་བ་བཞི་དང་འབུམ་ཐེར་བདུན་དང་ཚེ་ཐར་གྲངས་མང་སོགས་དངོས་འབྱོར་མཆོད་རྫས་དང་། ཡིད་སྤྲུལ་སྟོང་གསུམ་མཆོད་པའི་ཡོ་བྱད་དུ་དམིགས་ནས་ཕུལ་བ་བརྩེ་བ་ཆེན་པོ་བཞེས་ཏེ་སྐུ་གསུང་ཐུགས་ཀྱི་བཀོད་པ་མཁའ་ལ་ཉི་ཟླའི་བགྲོད་པ་ཇི་ལྟར་གནས་རིང་འགྲོ་བའི་མགོན་དཔུང་དམ་པར་བཞུགས་པའི་གསོལ་བ་ལན་བརྒྱར་བཏབ་པས།   ཐུགས་དགོངས་འཆི་མེད་ལམ་ནས་བརྩེ་བའི་ཉི་མ་གཞོན་ནུས་འགྲོ་བའི་བློ་མུན་སེལ་བའི་བྱིན་རླབས་མི་ཆུང་བ་མཁྱེན་མཁྱེན།   
བོད་ས་ཕག་ལོའི་ཟླ་བ་བཅུ་གཅིག་པའི་ཚེས་སུམ་ཉ་ཆེན་ཉིན་ཕུལ།
 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།