གལ་ཆེ་བའི་གསལ་བརྡ།

   གཡུང་དྲུང་བོན་བསྟན་ལ་ལྷག་བསམ་ཟོལ་མེད་ཀྱི་བླ་སྤྲུལ་མཁན་པོ་དགེ་བའི་བཤེས་གཉེན་དང་སྤྱི་ཚོགས་ཤེས་འཇོན་མི་སྣ་དགེ་རྒན་ཆེན་མོ་སློབ་མ་བཅས་ལ་སྙན་ཞུ་འབུལ་རྒྱུ།
   ཀུན་གྱིས་མཁྱེན་ས་ལྟར་གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་སྤྱིའི་བཀོད་སྒྲིག་འོག ལོ་རེ་བཞིན་སི་ཁྲོན་ཁྲིན་ཏུའི་གྲོང་ཁྱེར་དུ་༼བོན་གྱི་ཐ་སྙད་རྒྱ་ཡིག་ཐོག་ཕབ་བསྒྱུར་གཏན་འབེབས་གྲོས་ཚོགས།༽འཚོགས་ཀིན་ཡོད་པ་དང་། ད་ལོའི་བར་དུ་ཐེངས་དགུ་ཙམ་འཚོགས་ཟིན་ལ།
ཐེངས་འདིའི་ཚོགས་འདུའི་འགན་ཁུར་པ་མཆོག་སྤྲུལ་རིག་སྔགས་རྒྱ་མཚོ་དང་ཨ་གྲགས་སྤྲུལ་སྐུ་ཤེས་རབ་དཔལ་ཆེན་ཁོང་རྣམ་གཉིས་ཀྱིས། གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚོགས་གཙོ་དང་དྲུང་ཡིག་དགེ་རྒན་ཆེན་མོ་སོགས་ལ་བཀའ་འདྲི་བྱས་མཐར།  ཐེངས་བཅུ་པའི་བོན་གྱི་ཐ་སྙད་རྒྱ་ཡིག་ཐོག་ཕབ་བསྒྱུར་གཏན་འབེབས་གྲོས་ཚོགས། སྤྱི་ལོ་༢༠༢༠ ལོའི་ཟླ་༡ པོའི་ཚེས་༧ ནས་༡༡ བར་ཉིན་ལྔའི་རིང་འཚོགས་རྒྱུ་གཏན་འཁེལ་བྱས་ཡོད།

    སྔར་གྲོས་ཚོགས་སུ་བཞུགས་པའི་རྣམ་པ་ལྷན་རྒྱས་དུས་ལྟར་ཕེབས་རོགས་གནང་།