རྩེ་ཁོག་བོན་བརྒྱ་ཆོས་ལུང་དགོན་དུ་ཡབ་རྗེ་རྩ་བའི་བླ་མར་གདུང་མཆོད་ཕུལ་བ།

[ཟླ་ཚེས། 2018-08-31 22:24:26][རྩོམ་པ་པོ། ལྷུན་གྲུབ་ཡེ་ཤེས།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

微信图片_20180831220912.jpg

    དེ་ཡང་། སྔགས་རྫོགས་ཟབ་མོའི་གཞུང་ལུགས་ལ་ཐུགས་ཀློང་རྒྱ་མཚོ་ལྟར་ཟབ་པའི་དཀྱིལ་འཁོར་རིགས་བརྒྱའི་བདག་ཉིད་མཚན་བརྗོད་པར་དཀའ་བ་དོན་གྱི་སླད་དུ་མཚན་ནས་སྨྲས་ན་༧སྐྱབས་རྗེ་ཡིད་བཞིན་ནོར་བུ་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་མཆོག་ཉིད། སྐུ་ཚེ་དང་བསྟན་འགྲོའི་ལས་དོན་རྣམས་ཡོངས་སུ་མཐར་ཕྱིན་ནས། བོད་ས་ཕོ་ཁྱི་ཡི་ལོ་སྟེ་ཧོར་ཟླ་བདུན་པའི་ཚེས་དྲུག་ཉིན་སྐུ་ཆ་ལུགས་ལྔ་ལྡན་གྱི་ངང་ནས་སྐུའི་བཀོད་པ་རེ་ཞིག་གཞི་དབྱིངས་ཀ་དག་ལྷུན་འགྲུབ་ཀྱི་ཀློང་དུ་ཐུགས་དམ་གཡོ་མེད་དུ་བཞུགས་པའི་ཚུལ་བསྟན་པ་ན་སློབ་འབངས་ཁྲི་སྟོང་མང་པོའི་མིག་ནས་མཆི་མ་བརྡོལ་ཞིང་ཐུགས་ཡིད་རབ་ཏུ་སྐྱོ་བའི་མྱ་ངན་གྱི་གནས་སུ་ལྷུང་།

 微信图片_20180831220922.jpg

微信图片_20180831220934.jpg

      ཐེངས་འདིར་ཡང་སྐྱབས་རྗེ་བླ་མ་ཁོང་གི་དམ་པའི་ཐུགས་ཀྱི་སྲས་པོ་ནམ་མཁའ་དྲི་མེད་ཉི་མ་མཆོག་གི་ཐུགས་བཀོད་ནང་བཞིན། ཀུན་མཁྱེན་ཤར་རྫ་བའི་རྒྱལ་ཚབ་ཆེན་མོ་དམ་པ་གང་གི་ཐུགས་ཀྱི་བུ་སློབ་ཏུ་གྱུར་བ་ཤར་རྫའི་རྒྱལ་ཚབ་འཇིགས་མེད་དབང་ཕྱུག་རིན་པོ་ཆེ་དང་སྐུ་ཚ་སྤྲུལ་སྐུ་གཡུང་དྲུང་དབང་རྒྱལ་ཚང་། བོན་བློན་སྤྲུལ་སྐུ་བསྟན་པ་རབ་རྒྱས་སོགས་བོན་བརྒྱ་དགོན་རིག་འཛིན་སྨིན་གྲོལ་གླིང་དུ་གདན་དྲངས་ནས་སྐྱབས་རྗེ་བླ་མ་རིན་པོ་ཆེ་མཆོག་གི་ཐུགས་དགོངས་རྫོགས་པའི་ཕྱིར་དུ་ཚེ་དབང་བོད་ཡུལ་མའི་ཆོ་གའི་གཞི་བཟུང་ཏེ་ཉིན་བཞི་ཡི་རིང་ལ་གདུང་མཆོད་རྒྱ་ཆེན་སྒྲུབ་བཞིན་པའི་སྣང་ཚུལ་གྱི་ཟུར་ཙམ་མོ།།

微信图片_20180831220937.jpg

微信图片_20180831220940.jpg

微信图片_20180831220927.jpg

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།