བོན་དགོན་ཁག་གི་དུས་དེབ་རྩོམ་སྒྲིག་པ་རྣམས་ལ་ཕུལ་བའི་གསལ་བརྡ།

བོད་མདོ་དབུས་ཁམས་གསུམ་གྱི་བོན་དགོན་ཁག་གི་དུས་དེབ་རྩོམ་སྒྲིག་པ་རྣམས་ལ་ཕུལ་བའི་གསལ་བརྡ།

   དུས་རབས་ཀྱི་དགོས་མཁོ་དང་ཞང་ཞུང་གི་ཤེས་རིག་ལོ་རྒྱུས་ཁྱབ་སྤེལ་དུ་དམིགས་ཏེ་རྒྱལ་ཕྱི་ནང་དང་བོད་མདོ་དབུས་ཁམས་གསུམ་ན་བཞུགས་པའི་བོན་གྱི་དགོན་སྡེ་ཁག་དང་དེ་བཞིན་བོན་འབྲེལ་གྱི་དུས་དེབ་སོགས་སྤུས་ཚད་ཇེ་ལེགས་དང་ནང་དོན་ཕུན་སུམ་ཚོགས་པའི་ཞིབ་འཇུག་གི་རྣམ་པ་ཐོན་ཆེད་དུ་གཡུང་དྲུང་བོན་མཉམ་འབྲེལ་ལྷན་ཚོགས་ཀྱིས་གཙོ་གཉེར་གནང་བའི་དཔྱད་བརྗོད་དེབ་ཕྲེང་《གངས་ལྗོངས་བོན།》ཅེས་པ་གཞུང་འབྲེལ་དཔེ་སྐྲུན་ཁང་（དཔེར་ན། སི་ཁྲོན་མི་རིགས་དཔེ་སྐྲུན་ཁང་། ལྟ་བུ།）ནས་དཔར་དུ་བསྐྲུན་རྒྱུའི་གྲོས་ཆོད་བྱུང་བ་ལྟར། ད་ལམ་ངེད་རྩོམ་སྒྲིག་ཚན་ཆུང་གིས་འདི་ལོའི་སྤྱི་ཟླ་བཅུ་གཅིག་པའི་ནང་ 《གངས་ལྗོངས་བོན་》སྤྱིའི་དེབ་ཕྲེང་དང་པོའི་རྩོམ་ཡིག་བསྡུ་སྒྲིག་གི་ལས་འགོ་བརྩམས་ཏེ། རྩོམ་སྒྲིག་དང་པར་བསྐྲུན་བྱེད་རྩིས་ཡོད་པས། དེ་ལ་རྒྱལ་ཕྱི་ནང་དང་བོད་མདོ་དབུས་ཁམས་གསུམ་དུ་ཡོད་པའི་བོན་གྱི་དགོན་སྡེ་ཁག་སོགས་ནས་རྩོམ་སྒྲིག་བྱས་པའི་དུས་དེབ་ཡོད་ཚད་དང་། མདོར་ན་བོན་དང་འབྲེལ་བའི་དེ་སྔོན་པར་བསྐྲུན་བྱས་ཟིན་པའི་དུས་དེབ་ཁག་གི་རྩོམ་ཡིག་རྣམས་དཔྱད་བརྗོད་དེབ་ཕྲེང་《གངས་ལྗོངས་བོན་》གྱི་རྩོམ་ཡིག་འདེམས་རྒྱུའི་ཁྱབ་ཁོངས་སུ་གཏོགས་ལ། དེབ་ཕྲེང་འདི་བཞིན་བསྒྲུབ་པའི་དམིགས་ཡུལ་ནི་མདོ་དབུས་མཐོ་སྒང་ནས་རྩ་བ་ཚུགས་ཤིང་རྩེ་མོ་རྒྱས་པའི་བོད་མེས་པོའི་རིག་གཞུང་གི་ངོ་བོ་དམ་འཛིན་དང་དར་སྤེལ་བྱེད་པ་དེ་གཞི་རྩར་འཛིན་ཞིང་། དཔྱད་རྩོམ་གྱི་ཚིག་དོན་གཉིས་ཆ་ནས་ལེགས་འདེམས་བྱེད་དེ། གཅིག་ན་བོན་དགོན་ཁག་ནས་གཉེར་བའི་དུས་དེབ་ཁག་གི་སྤུས་ཚད་གོང་མཐོར་གཏོང་སྟེ་ཀློག་པ་པོ་རྣམས་ལ་ངོ་སྤྲོད་དང་། རྣམ་པ་གཞན་དུ་ན་ཚད་ལྡན་དཔེ་སྐྲུན་གྱི་གོ་རིམ་བརྒྱུད་ནས་དུས་དེབ་སྤུས་ལེགས་ཁག་དང་འབུར་ཐོན་གྱི་རྩོམ་པ་པོ་རྣམས་ལ་ལེགས་མཚོན་གྱི་བྱ་དགའི་དཔང་ཡིག་སོགས་འབུལ་རྩིས་ཡིན།
   གཡུང་དྲུང་བོན་མཉམ་འབྲེལ་ལྷན་ཚོགས་ཀྱིས་བཀོད་སྒྲིག་འོག་དཔྱད་འདེམས་པ་བོད་ལྗོངས་ཕྱོགས་ནས་དབྲ་ཁྱུང་དགེ་བཤེས་སྐལ་བཟང་ནོར་བུ། ཁམས་ཕྱོགས་ནས་གདོང་བཙུན་རྒྱ་ཐར། རྔ་བ་ཁུལ་ཕྱོགས་ནས་རྟོགས་ལྡན་བསྐལ་ཁོ། མཚོ་སྔོན་དང་ཀན་སུའུ་ཕྱོགས་ནས་ཚུལ་ཁྲིམས་བསྟན་པ་འབྲུག་གྲགས་བཅས་ཡིན། ད་ལྟ་ང་ཚོའི་ལག་ཏུ་དུས་དེབ་འབོར་ཆེན་ཞིག་འབྱོར་ཡོད་ཀྱང་ད་དུང་ལྷག་ལུས་སུ་གྱུར་བའི་དུས་དེབ་རིགས་ཀྱི་རྩོམ་སྒྲིག་པ་རྣམས་ཀྱིས་དུས་ལྟར་མཁོ་འདོན་གནང་རྒྱུའི་འབོད་བསྐུལ་ཞུ་རྒྱུ་དང་། དེ་བཞིན་བོན་འབྲེལ་གྱི་དུས་དེབ་ཁག་གི་རྩོམ་སྒྲིག་པ་དང་ཀློག་པ་པོ་རྣམས་ཀྱིས་ལས་དོན་འདི་ཉིད་གཙིགས་སུ་འཛིན་ཏེ་ཐུགས་ཁུར་དང་རྒྱབ་སྐྱོར་གནང་བར་ང་ཚོས་སྙིང་ནས་རེ་སྨོན་ཞུ་བཞིན་ཡོད།

འབྲེལ་གཏུགས་བྱེད་ཡུལ།
གངས་ལྗོངས་བོན་དཔྱད་དེབ་ཀྱི་རྩོམ་སྒྲིག་མི་སྣ།
གཡུང་དྲུང་བོན་འཛིན་སྐྱོང་མཉམ་འབྲེལ་ལྷན་ཚོགས་ཀྱི་ཚོགས་གཙོ་གཞོན་པ། གངས་ལྗོངས་བོན་དཔྱད་དེབ་རྩོམ་སྒྲིག་ཚན་ཆུང་གི་ཚན་གཙོ།
ཉག་སྤྲུལ་བསོད་ནམས་རྒྱ་མཚོ། ཁ་པར་ཨང་གྲངས། 13558579919
ཡིག་སྒམ། 1304116713@qq.com
གཡུང་དྲུང་བོན་འཛིན་སྐྱོང་མཉམ་འབྲེལ་ལྷན་ཚོགས་ཀྱི་དྲུང་ཡིག་པ།    གངས་ལྗོངས་བོན་དཔྱད་དེབ་རྩོམ་སྒྲིག་ཚན་ཆུང་གི་རྩོམ་སྒྲིག་པ།
 ལུང་དཀར་གཡུང་དྲུང་བསྟན་འཛིན། ཁ་པར་ཨང་གྲངས། 13628989444
ཡིག་སྒམ། 945112478@qq.com
གཡུང་དྲུང་བོན་འཛིན་སྐྱོང་མཉམ་འབྲེལ་ལྷན་ཚོགས་ཀྱི་རྒྱུན་ལས། གངས་ལྗོངས་བོན་དཔྱད་དེབ་རྩོམ་སྒྲིག་ཚན་ཆུང་གི་རྩོམ་སྒྲིག་པ།
ཨ་དཔལ་བཟང་། ཁ་པར་ཨང་གྲངས། 13909043403 
ཡིག་སྒམ། 826677980@qq.com
སྡོད་གནས། ཁྲིན་ཏུའུ་གྲོང་ཁྱེར་དུ་ཡོད་པའི་གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་གཞུང་སྒྲུབ་ཁང་།
成都市武侯区一环路南四段10号1幢2单元7层21号      (雍仲本教联合会）