གཡུང་དྲུང་བོན་མཉམ་འབྲེལ་ལྷན་ཚོགས་ཀྱིས་ཡོངས་འཛིན་འཚོལ་བཤེར་ལ་དཔེ་སྦྱིན་གནང་བ།

 ད་རེབ་བོད་ཀྱི་རིག་གནས་འཛིན་སྐྱོང་སྤེལ་གསུམ་ལ་ཐུགས་འདུན་ཟབ་ཅིང་སྒོས་སུ་གཡུང་དྲུང་བོན་གྱི་བསྟན་པ་རིན་པོ་ཆེ་ཉམས་པ་སོར་ཆུད་དང་མ་ཉམས་གོང་འཕེལ་ལ་ཤུགས་རྒྱ་ཆེན་པོ་རྒྱག་བཞིན་པའི་གཡུང་དྲུང་བོན་མཉམ་འབྲེལ་ལྷན་ཚོགས་ཀྱིས། ངེད་མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་འཛམ་གླིང་གི་བོད་ཡིག་འཚོལ་བཤེར་མ་ལག་ཐོག་མ་སྟེ། ཡོངས་འཛིན་བོད་ཡིག་འཚོལ་བཤེར་མ་ལག་འཛུགས་སྐྲུན་ལ་ལྷག་བསམ་རྣམ་པར་དག་པས་རྒྱབ་སྐྱོར་གནང་སྟེ། ཁོང་ཚོས་དཀའ་བ་བརྒྱ་ཕྲག་ཁྱད་དུ་སེལ་ནས་འཚོལ་བསྡུ་དང་ལེགས་སྒྲིག་གནང་བའི་གངས་ཏི་སེ་བོན་གཞུང་རིག་མཛོད་དཔེ་ཚོགས་ཆ་ཚང་གི་གློག་རྡུལ་མ་ཕྱི་དང་། བོན་གྱི་བཀའ་བརྟེན་པར་བཤུས་མ་ཡིག་ཆ་ཚང་བཅས་ངེད་ཡོངས་འཛིན་ཡིག་ཚང་དུ་རིན་མེད་གཟིགས་འབུལ་གནང་ནས་འཛམ་གླིང་གི་ཀློག་པ་པོ་དག་གི་སྤྱན་སྔར་བསྟར་བའི་གཞན་ཕན་གྱི་ཐུགས་འདུན་བསྟན་ཡོད།

གནས་ཚུལ་ཞིབ་རྒྱས།  http://www.amdotibet.cn/html/dt/whjy/2016-01/18792.html