གཡུང་དྲུང་བོན་གྱི་སྐོར་བགྲོ་གླེང་ཐེངས་བཅུ་གསུམ་པའི་གསལ་བསྒྲགས།

[ཟླ་ཚེས། 2014-05-01 10:16:16][རྩོམ་པ་པོ། གོ་སྒྲིག་ཚོགས་ཆུང་།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

 01.jpg01.jpg

   དེ་ཡང་ས་གསུམ་འགྲོ་བའི་འདྲེན་པ་ཆེན་མོ་༧ རྣམ་འདྲེན་མཉམ་མེད་བླ་མའི་རྒྱལ་ཚབ། རང་ཅག་བོན་འབངས་ཡོངས་ཀྱི་ལྷ་སྐལ་༧སྐྱབས་རྗེ༧རྒྱལ་བ་སྨན་རིའི་ཁྲི་རབས་སོ་གསུམ་པ་༧ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་གི་དགོངས་པ་གཞིར། ༧དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྟངས་འཛིན་འོག ཕྱི་ལོ་༢༠༠༠ལོ་ནས་དབུ་འཛུགས་གནང་སྟེ། ཝར་ཎ་གཡུང་དྲུང་བོན་གྱི་དགེ་སློབ་ཁང་གི་མཐོ་རིམ་སློབ་ཕྲུག་ཁག་དང་། བོན་གཞིས་ཉིན་སློབ་ཀྱི་མཐོ་འབྲིང་སློབ་ཕྲུག དེ་བཞིན་ཕྱོགས་མཐའ་ཁག་ནས་ཆེད་དུ་ཕེབས་པའི་བོན་སྐོར་ལ་དོ་སྣང་དང་ཐུགས་སྣང་ཟབ་པའི་གཞོན་སྐྱེས་སློབ་ཕྲུག་ཁག་གི་དབྱར་ཁའི་གུང་གསེང་དང་སྟབས་བསྟུན་ཏེ་ཆེད་དུ་ གཡུང་དྲུང་བོན་གྱི་སྐོར་བགྲོ་གླེང་གོ་སྒྲིག་ཞུ་བཞིན་ཡོད་པ་ལགས་ན། ད་ལོར་ཡང་སློབ་ཕྲུག་ཁག་གི་དབྱར་ཁའི་གུང་གསེང་དང་བསྟུན་ཏེ།

ཕྱི་ལོ་༢༠༡༤ཟླ་༦ཚེས་༣ནས་༩བར་ཏེ་ཉིན་གྲངས་བདུན་གྱི་རིང་ལ་གཡུང་དྲུང་བོན་གྱི་སྐོར་བགྲོ་གླེང་སྐབས་བཅུ་གསུམ་པ་༧གཡུང་དྲུང་བོན་གྱི་གདན་ས་དཔལ་གཤེན་བསྟན་སྨན་རིའི་དཔེ་མཛོད་ཁང་དུ་ཚོགས་རྒྱུར་གཏན་ཁེལ་ཟིན་པས། དེ་བཞིན་ཕྱོགས་མཐའ་ན་བཞུགས་པའི་མཐོ་རིམ་འབྲིང་གི་སློབ་ཕྲུག་གཞོན་སྐྱེས་རྣམས་དུས་ལྟར་དུ་ངེས་ཡོང་བའི་རེ་སྐུལ་དུ།

སྐབས་བཅུ་གསུམ་པའི་གོ་སྒྲིག་ཚོགས་ཆུང་ནས།

ཕྱི་ལོ་༢༠༡༤ཟླ་༤ཚེས་༢༧ཉིན།

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།