༢༠༡༨ལོའི་མུ་ཁྲི་བཙན་པོ། སྤྱི་དེབ་བཅུ་གཉིས་པ།

[ཟླ་ཚེས། 2019-06-08 22:41:53][རྩོམ་པ་པོ། རིན་སྤུངས་ཚུལ་བསྟན།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

༢༠༡༨ལོའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོ་སྤྱིའི་འདོན་ཐེངས་བཅུ་གཉིས་པ་འགྲེམ་སྤེལ་གནང་བ།

༢༠༡༨ལོའི་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོའི་མདུན་ཤོག

མདུན་ཤོག་ནང་མ།

   དེ་ཡང་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོ་ནི་སྤྱི་ལོ་༢༠༠༧ལོར་གསར་དུ་འདོན་སྤེལ་བྱས་པ་ནས་བཟུང་ད་ལོའི་བར་དུ་མི་ལོ་བཅུ་གཉིས་ཀྱི་རིང་ལ་རྒྱ་ཆེ་བའི་མཁས་དབང་རྣམ་པ་དང་ཤེས་ཡོན་པ་རྣམ་པ་གཙོས་པའི་གནའ་བོའི་ཞང་བོད་ཤེས་རིག་ལ་དུངས་ཞེན་ཟབ་ཅིང་ཆེད་རྟོག་ཞིབ་འཇུག་ལ་མཁས་པ་རྣམས་ཀྱིས་དུས་རྣམ་ཀུན་ཏུ་དཔྱད་གསུམ་ལམ་ནས་བྲིས་ཤིང་། དུས་རབས་ཀྱི་འགྲོས་དང་མཐུན་པའི་ལེགས་རྩོམ་གྱིས་རྒྱབ་སྐྱོར་བླ་མེད་གནང་བ་དང་། དེ་བཞིན་ཤེས་ཡོན་ལ་སྤྲོ་བ་བརྟས་ཤིང་རིག་གཞུང་ལ་གཟིགས་རྟོག་དགའ་བའི་རྒྱ་ཆེ་བའི་ཀློག་པ་པོ་དང་། གཞན་ཡང་མི་ལོ་བཅུ་གཉིས་རིང་ངམ་ལོ་དེབ་བཅུ་གཉིས་གང་རུང་ལ་པར་སྐྲུན་གྱི་འགྲོ་སོང་དང་འགྲེམ་སྤེལ་གྱི་རོགས་སྐྱོར་བླ་མེད་གནང་མཁན་ལྷག་བསམ་ཅན་གཙོས་པའི་མི་ལོ་བཅུ་གཉིས་རིང་གི་ལོ་དེབ་བཅུ་གཉིས་ལ་དངོས་ཤུགས་བརྒྱུད་གསུམ། ཕྱི་ནང་གསང་གསུམ་གྱི་སྒོ་ནས་མཐུན་རྐྱེན་དང་རྒྱབ་སྐྱོར་གནང་མཁན་ཡོངས་ཀྱི་བཀའ་དྲིན་ཁོ་ནར་བརྟེན་ནས། བོད་མི་རིགས་སྤྱིའམ་གནའ་བོའི་ཞང་བོད་ཤེས་རིག་ཕྱོགས་ལ་ཞབས་ཕྱི་མི་དམན་པ་རེ་བསྒྲུབས་ཐུབ་པ་བྱུང་བ་རེད།

  

དཀར་ཆག་བོད་ཡིག་ཅན།

རྒྱ་ཡིག་གི་དཀར་ཆག

   དེ་ལྟར་༢༠༡༨ལོའི་དེབ་བམ་སྤྱིའི་འདོན་ཐེངས་བཅུ་གཉིས་པ་འདི་ལ་ཡང་། གོང་ཞུས་ལྟར་རྒྱ་ཆེ་བའི་མཁས་དབང་རྩོམ་པ་པོ་རྣམས་ཀྱིས་རྒྱབ་སྐྱོར་འོག་འགྲེམ་སྤེལ་བྱེད་ཐུབ་པ་བྱུང་ལ། ཁྱད་པར་དུ་རྒྱལ་སྤྱིའི་བོད་རིག་པའི་ཚོགས་གཙོ་ཟུར་བ། མཁས་པའི་དབང་པོ་མཁར་རྨེའུ་བསམ་གཏན་རྒྱལ་མཚན་མཆོག་གིས་ད་ཐེངས་ཀྱི་ལོ་དེབ་འགོ་བརྗོད་འབྲི་རོགས་གནང་བར་ཆེད་དུ་བཀའ་དྲིན་ཆེ་ཞུ་བ་ལགས།

རྒྱབ་ཤོག་ནང་མ།

རྒྱབ་ཤོག

   གཞན་ཡང་ད་ལོར་དཔྱད་རྩོམ་གང་མང་ཞིག་འབྱོར་ཡོད་སྟབས་རྩོམ་རེ་གཉིས་ལོ་དེབ་རྗེས་མར་འགོད་ཡ་དང་། རེ་གཉིས་མུ་འགོད་ཀྱི་གནས་སུ་ཆགས་སོང་བས་དེ་འབྲེལ་གྱི་རྩོམ་པ་པོ་རྣམས་ལ་དགོངས་གསོལ་ཞུ་རྒྱུ་བཅས།
གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་རྩོམ་སྒྲིག་པས་
འགྲེམ་སྤེལ་གསལ་བཤད་དུ་སྤྱི་ལོ༢༠༡༩་༦་༨ཉིན།
 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།