ཐེ་བོ་ཀླུ་ཐར་གྱི་ཡིག་གཟུགས་བརྩམས་ཆོས།

བྲིས་པ་ཐེ་བོའི་ཀླུ་ཐར་ནི། ༡༩༩༦ལོའི་ཟླ༡༠ཚེས༡༣ཉིན་མདོ་སྨད་རོང་ཆེན་བཞི་ཡི་ཡ་གྱལ་གསེར་གཞོང་ཐེ་བོ་རོང་སྟག་ར་ཡུལ་ཚོའི་འགོ་རྗེ་སྡེ་བའི་རོང་ཁྱིམ་དཀྱུས་མ་ཞིག་གི་ཁྱིམ་དུ་སྐྱེས། ༢༠༡༢ལོར་སྐྱང་སྤྲུལ་རིན་པོ་ཆེའི་གདན་ས་དཔལ་ལྡན་གཡུང་དྲུང་གླིང་འཆར་ར་དགོན་དུ་རབ་ཏུ་བྱུང་། ༢༠༡༥ལོར་མདོ་སྨད་སྣང་ཞིག་དགོན་ཆེན་གཡུང་དྲུང་བོན་བཤད་སྒྲུབ་སློབ་གླིང་གི་སྒོར་ཞུགས་ཏེ་མཚན་ཉིད་རིག་པ་ལ་ཐོས་བསམ་བྱེད་ཞོར་དུ་ཡིག་མཁན་ཝེར་རོའམ་བསྟན་པ་ལྷུན་གྲུབ་ལགས་དགེ་རྒན་དུ་བསྟེན་ཏེ་མི་ལོ་དུ་མའི་རིང་ལ་བོད་ཀྱི་ཡིག་གཟུགས་ཚུགས་རིང་། ཚུགས་ཐུང་། སྨར་ཆེན་སྨར་ཆུང་། སྤུངས་སོ་ཆེ་བ། སྤུངས་སོ་ཆུང་བ། འཁྱུགས་ཡིག་སོགས་སྦྱངས་བར་མཛད། སྔ་ཕྱིར་ཡིག་གཟུགས་འགྲན་བསྡུར་ཆེ་ཆུང་གང་མང་དུ་ཞུགས་ཏེ་གཟེངས་རྟགས་བླངས་མྱོང་། ད་ལྟ་ཐེ་བོ་རྫོང་བོད་རྒྱའི་ཡིག་གཟུགས་དང་མཛེས་རྩལ་མཐུན་ཚོགས་ཀྱི་ཚོགས་མི་ཡིན།