བོད་ཚེས་༡༨ཉིན་གྱི་དགོངས་རྫོགས་དང་འབྲེལ་བའི་གནས་ཚུལ།

[ཟླ་ཚེས། 2019-02-23 09:25:11][རྩོམ་པ་པོ། དགོངས་རྫོགས་བཀོད་སྒྲིག་ཚན་ཆུང་།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

7243e8378f9048c16abe34661e07895b.jpg

ཨེ་མ་ཧོ། གཤེན་བསྟན་དྲི་མེད་ལྷ་ལམ་ཡངས་པོ་རུ། །
ཡོངས་རྫོགས་སྡེ་སྣོད་ཀུན་གཟིགས་ཉིན་བྱེད་དབང་། །
མཁས་ཚུལ་གསུམ་གྱི་འོད་ཟེར་རབ་སྤྲོས་པའི། །
མཁན་ཆེན་ཤེས་རབ་མཐར་ཕྱིན་གསོལ་བ་འདེབས། །

   ཞེས་པ་འདི་ནི་མཚོ་ལོགས་དགེ་སློང་བསྟན་པ་ཚུལ་ཁྲིམས་ནས་བསྐུལ་བ་བཞིན་ཤར་རྫའི་རྒྱལ་ཚབ་རིན་པོ་ཆེས་ཕུལ་བའོ། །

1550889793800003.jpg

   བོད་ཚེས་༡༨ཉིན་འཆར་ཅན་ལྟར་རིན་སྤུངས་དགོན་དང་སྣང་ཞིག་ལྕགས་མདུད་དགོན། བྲག་གཡུང་དྲུང་དགོན་བཅས་ཀྱིས་རྒྱལ་བ་རྒྱ་མཚོའི་ཆོག་གཞུང་དང་། མཉམ་མེད་བླ་མའི་བླ་སྒྲུབ། ཁོང་རིན་པོ་ཆེའི་ཡི་དམ་ཚེ་དབང་བོད་ཡུལ་མ་སོགས་ཀྱི་ཚོགས་འཁོར་ཕུལ་ཅིང་།

1550889792405832.jpg

   དེ་བཞིན་གཡུང་དྲུང་བོན་གྱི་བཤད་སྒྲུབ་འདུས་སྡེའི་དགེ་སློབ་རྣམས་ཀྱིས་ཀུན་རིག་ལས་བཞི་རྒྱུན་ལྔའི་སྨོན་ལམ་ཤིང་རིང་སོགས་འབྲི་བཞེངས་གནང་བ་མཛད།

   དེ་ནས་འཆར་ཅན་ལྟར་ཁོང་རིན་པོ་ཆེའི་གཞིས་དགོན་སྐྱང་ཚང་དགོན་པའི་བླ་གྲྭ་ཡོངས་ནས་སྨྲ་སེང་སྟོང་སྐུའི་གཞལ་ཡས་ཁང་ནས་ཀུན་རིག་ལས་བཞི་རྒྱུན་ལྔའི་གཏོར་མ་བཅའ་བཟོ་ལག་ལེན་སྐོར་བཅས་ཀྱི་དགོངས་རྫོགས་གྲ་སྒྲིག་གནང་།

1550889793955735.jpg1550889795861238.jpg

   དེ་ནས་མཛོད་དགེ་སྒུར་སྐྱང་དགོན་པའི་བསྟན་བདག་མཆོག་སྤྲུལ་རིན་ཆེན་རྒྱལ་མཚན་རིན་པོ་ཆེའི་བཀའ་དགོངས་ལྟར་སྒུར་སྐྱང་དགོན་གྱི་བླ་གྲྭ་ཡོངས་ནས་ཁོང་རིན་པོ་ཆེའི་དགོངས་རྫོགས་སུ་མདོ་གཡུང་དྲུང་ཀློང་རྒྱས་ཀྱི་ཆོག་གཞུང་ཉིན་འཚོགས་ཞུ།

1550887006116796.jpg

   དེ་ནས་འཆར་ཅན་ལྟར་སྣང་ཞིག་རྣམ་རྒྱལ་ཀུན་གྲགས་གླིང་གིས་གྲྭ་མང་ནས་མདོ་གཡུང་དྲུང་ཀློང་རྒྱས་ཀྱི་ཆོ་གའི་གཏོར་མ་བཅའ་བཟོ་གནང་།  དེ་ནས་འཆར་ཅན་ལྟར་དགའ་མལ་དགོན་པའི་གྲྭ་མང་ནས་བོན་སྐྱོང་ཚོགས་བརྒྱའི་གཏོར་མ་བཅའ་བཟོ་གནང་།

  གཞན་ཉིན་གང་བོ་ལ་དད་ལྡན་མང་ཚོགས་སྟོང་ཕྲག་དུ་མས་སྐུ་གདུང་རིན་པོ་ཆེ་མཇལ་བ་ཞུས།


  དེ་ནས་འཆར་ཅན་ལྟར་ཉིན་གུང་ཆུ་ཚོད་༤བ་ཡས་མས་ནས་སྣང་ཞིག་ལྕགས་མདུད་དགོན་པའི་སེར་སྐྱ་ཡོངས་ནས་མར་མེ་ཁྲི་ཕྲག་ལྷག་གི་དགོངས་རྫོགས་མཆོད་པ་གྲ་སྒྲིག་གནང་སྟེ། རྣམ་ལྔའི་རྣམ་པ་དང་གཡུང་དྲུང་ཆག་ཤིང་། མཆོད་རྐོང་རྣམ་པ། ཨཱོྃ། འཁོར་ལོ་རིན་པོ་ཆེ་སོགས་ཀྱི་རིས་ཅན་གྱི་རྣམ་པ་དང་། དེ་བཞིན་༧དྲིན་ཅན་རྩ་བའི་བླ་མ་མཁྱེན་ནོ། །ཞེས་པ་སོགས་མཚོན། མཚན་མོ་མར་མེའི་མཆོད་པ་དང་དད་ལྡན་སེར་སྐྱ་ཡོངས་ནས་ཁོང་རིན་པོ་ཆེའི་གསོལ་འདེབས་དབྱངས་སུ་གྱེར་སྟེ་ཚོགས་ཁང་དང་བླ་བྲང་སོགས་ལ་སྐོར་ཕྱག་ཞུས་ཏེ་དགོངས་རྫོགས་ཞུས།

དགའ་མལ་དགོན་ཆེན་གྱི་དོ་དམ་ཨུ་ཡོན་ལྷན་ཁང་དང་
དགོངས་རྫོགས་བཀོད་སྒྲིག་ཚན་ཆུང་ནས་
༢༠༡༩་༢་༢༣ཉིན།

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།