གནའ་བོའི་དགོན་རྙིང་གཡུང་དྲུང་ལྷ་སྟེང་དགོན་དུ་ཞང་ཞུང་རིག་གནས་ཉམས་ཞིབ་བྱས་པ།
[ཟླ་ཚེས། 2015-06-28 10:32:13][རྩོམ་པ་པོ། རྒྱལ་རོང་བ།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]
གནའ་བོའི་དགོན་རྙིང་ཤར་རྒྱལ་རོང་རྒྱལ་ཁག་བཅོ་བརྒྱད་ཀྱི་མ་དགོན་དང་༧རྒྱལ་བ་མཉམ་མེད་པ་ཆེན་པོའི་འཁྲུངས་གཞིས་ཀྱི་དགོན་གནས་དཔལ་གཡུང་དྲུང་ལྷ་སྟེང་དགོན་དུ་སྤྱི་ཟླ6ཚེས27ཉིན། ཀྲུང་གོའི་ཞང་ཞུང་བོན་བསྟན་རིག་གནས་ཞིབ་འཇུག་ཚོགས་པའི་མི་སྣ་གཙོ་གྲས་སྟེ་བོད་རིག་པའི་མཁས་དབང་སྟོང་སྐོར་ཚེ་རིང་ཐར་ལགས་དང་བཙན་ལྷ་ངག་དབང་ཚུལ་ཁྲིམས། འཇམ་དཔལ་རྒྱ་མཚོ། ཐུབ་བསྟན་ཕུན་ཚོགས། ཐོགས་མེད། ནོར་བུ་ཚེ་རིང་། ཚེ་རིང་འགྱུར་མེད། ཀུན་དགའ་ཡེ་ཤེས་སོགས་ཀྱིས་གཙོས་པའི་ཞང་ཞུང་རིག་གནས་ཞིབ་འཇུག་པ་ལྔ་བཅུ་ལྷག་ཕེབས་ཏེ། རྒྱལ་རོང་ལྷ་སྟེང་དགོན་གྱི་ཡུལ་དངོས་འདིའི་ལོ་ངོ་དུ་མའི་ཡར་སྔོན་གྱི་ཤུལ་བཞག་རིག་དངོས་ལ་ཞིབ་འཇུག་དང་འཚོལ་ཞིབ་བྱས།
ཞང་ཞུང་རིག་གནས་ཞིབ་འཇུག་པ་རྣམས་ཤར་རྒྱལ་རོང་གཡུང་དྲུང་ལྷ་སྟེང་དགོན་དུ་ཕེབས་བསུ་བྱེད་བཞིན་པའི་རྣམ་པ།
ལོ་རྒྱུས་ཀྱི་ཡུན་རིང་བའི་གནའ་བོའི་རྡོ་རིང་ཆེན་མོ་དང་གཞན་མི་ལོ་དུ་མའི་ཡར་སྔོན་གྱི་རྟེན་རྙིང་མཐའ་དག་ལ་གཟིགས་བཞིན་པ།
བླ་གྲྭ་ལྷན་རྒྱས་ཀྱིས་ཡར་མཆོད་པ་དང་མར་སྦྱིན་པ་སོགས་ཀྱི་བོན་ཆོག་ཟབ་རྒྱས་སྤེལ་བཞིན་པ།
