ཆབ་ཤོག་དང་ཉམས་མགུར་གྱི་སྐོར།

• 

  ཕབ་ལེན་གྲངས:

  ཕབ་ལེན་བྱེད་ས།

རྩོམ་པ་པོ། བོན་བརྒྱ་རིན་པོ་ཆེ།

ཡིག་ཆའི་རིགས་གྲས། .epub

སྐད་ཡིག བོད་ཡིག

འཁོར་སྟེགས། ibooks

དབང་ཚད། རིན་མེད་མཉེན་ཆས།

སྤེལ་དུས། 2013-08-02

ངོ་སྤྲོད་མདོར་བསྡུས། བོ༷ན་སྒོར་ཞུགས་ནས་བརྒྱ༷་བའི་སྟོན་པ་ལ། །དད་ཅིང་རྣམ་དཀར་དགེ༷་ལ་དགའ་བ་ཙམ། །ངེས་ལེག༷ས་སྒྲིབ་བྱེད་དད་ཟས་ལྷུ༷ན་པོའི་སྟེགས། །བདེན་གྲུ༷བ་རོ་ལྡན་རྒྱ༷་མཚོ༷ས་དད་ཕྱག་བརྩེགས། །ཞུ་མཆིད་དབྱངས་ཀྱི་རྒྱལ་མོའི་རྒྱུད་མངས་ལས། །དྲངས་པའི་བཅོས་མིན་སྙིང་གི་རང་མདངས་ནི། །དབྱངས་སུ་རྫོགས་པའི་སྙན་ཚིག་དྲི་ཟའི་གླུ། །མཁས་པ་དགྱེས་པའི་མཆོད་སྤྲིན་འབུལ་འདི་བཞེས། །གཤེན་བསྟན་རིན་ཆེན་འབྱུང་གནས་ས་མུ་དྲ། །གསང་གསུམ་འཛིན་མའི་ཁྱོན་དུ་ཡོངས་བཟུང་བ། །དཔལ་ལྡན་རྣམ་པར་རྒྱལ་བའི་དྲན་དབང་ཁྱོད། །ལས་སྣང་དག་པས་སྤྱི་བོའི་རྒྱན་དུ་ཐོབ། །མཁས་མང་བདེ་ཆེན་འཁོར་ལོའི་དཀྱིལ་ན་ཞབས་ཟུང་ནོར་བུའི་ཅོད་པན་མཛེས། །ལུང་རིགས་སྨྲ་བའི་འདུས་གྲྭའི་དབུས་ན་ལེགས་བཤད་ངག་གི་རོལ་མོ་སྙན། །རིས་མེད་གྲུབ་མཐའ་རྒྱ་མཚོ་འཛིན་དབུས་གཤེན་བསྟན་རྒྱལ་མཚན་མཐོན་པོར་བསྒྲེངས། །རབ་འབྱམས་བྱེ་བ་ཕྲག་བརྒྱའི་ཞིང་ན་གསང་གསུམ་མི་ཟད་འབྱམས་སུ་ཀླས། །གང་གི་མཚན་སྙན་གྲགས་པའི་བ་དན་དཀར། །དཀར་གསལ་ཟླ་བའི་དཔལ་ལ་ཅོ་འདྲི་ཞིང༌། །ཞིང་ཁམས་རྒྱ་མཚོའི་མཐའ་ལ་ཁྱབ་པའི་དཔྱིད། །དཔྱིད་ཀྱི་ཕོ་ཉས་སྙན་དབྱངས་ཕྱོགས་སུ་སྒྲོགས། །རྒྱལ་ཀུན་སྙིང་རྗེ་དག་པའི་འཛུམ་ཟེར་ཅན། །ཐུགས་བསྐྱེད་ཟླ་བའི་མ་མ་ལས་ཐོན་ཏེ། །རིས་མེད་གདུལ་བྱ་གླིང་བཞིའི་མཁའ་དབྱིངས་སུ། །མཛད་འཕྲིན་རི་དྭགས་གཟུགས་ཅན་སྣང་བས་ཁྱབ། །དེ་ཡང་ཉེ་ཞོ་སྤྲིན་གྱིས་མ་གོས་པར། །བསྟན་འགྲོའི་ཕན་བདེ་ཀུ་མུད་དགའ་ཚལ་བཞད། །རྒུད་མུན་ཚ་གདུངས་འཇོམས་པའི་བདུད་རྩིའི་རླབས། །སྤྲོ་བཞིན་བཞུགས་པའི་བཀའ་དྲིན་གཞལ་མཐའ་བྲལ། །གང་གི་བརྩེ་ཆེན་ཆུ་འཛིན་ཁང་བཟང་ནས། །གནང་སྐྱེས་ཤེལ་སྐུ་ལྷ་དར་སྒྲུབ་སྨན་ཆར། །སྙིམ་པའི་པདྨོ་སྤྱི་བོར་ཟུམ་པའི་དབུས། །བབས་པས་རབ་དགའི་སྦྲང་རྩི་མཁའ་ལ་འཕྱུར། །

ཐོབ་སྐར།

གཟིགས་ཐེངས: