བོད་མེ་བྱ་ལོའི་རྔ་ལྗོངས་ལི་ཐོ།

[ཟླ་ཚེས། 2016-08-30 15:36:52][རྩོམ་པ་པོ། རིན་སྤུངས་པས་བསྡུས།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

01.jpg

  བོད་མེ་བྱ་ལོའི་རྔ་ལྗོངས་ལི་ཐོ་ཞེས་པ་དེ་ནི་གཡུང་དྲུང་བོན་གྱི་བཤད་སྒྲུབ་སློབ་གླིང་གི་དགེ་རྒན་ཆེན་མོའམ་ཚོགས་གཙོ་གཞོན་པ་ལྔ་རིག་སྨྲ་བ་དགེ་བཤེས་རྫ་ཚེ་དབང་བསྟན་འཛིན་ལགས་ཀྱིས༼གཡུང་དྲུང་བོན་གྱི་བཤད་སྒྲུབ་སློབ་གླིང་༽དུ་སྣོད་ལྡན་བུ་སློབ་བརྒྱ་ཕྲག་མང་པོ་གདམས་ངག་གིས་སྐྱོང་བཞིན། བཤད་སྒྲུབ་བསྟན་པའི་ཕྱག་ལས་ཆད་མེད་ངལ་མེད་དུ་གནངས་དང་གནང་བཞིན་པའི་རླབས་ཆེན་ཕྱག་ལས་དུ་མའི་བར་གསེང་རེ་རེ་ནས།

 02.jpg04.jpg
03.jpg
05.jpg

བོད་མེ་སྤྲེལ་ལོའི་རྔ་ལྗོངས་ལི་ཐོ་འདིའི་རྩ་བ་ཚུགས་ཤིང་དེ་ལ་ཡལ་ག་དང་། ལོ་མ། མེ་ཏོག་དང་འབྲས་བུའི་ཚུལ་དུ་ཆ་ཚང་དོན་ལྡན་གྱི་གནད་ཀ་སྟེ། གཞུང་ལུགས་འདི་ལ་ངེས་པར་དུ་འཛོམས་དགོས་པ་མཐའ་དག་གཞི་གཅིག་ལས་སྨིན་པ་ཞིག་ལས། དེང་དུས་ཀྱི་མཁས་རློམ་རེ་འགར་ལྟར་མི་ཤེས་མདོག་དང་མི་འཇོན་འཇོན་མདོག་གི་གཟུགས་བརྙན་རྫུན་མའི་འབག་ཞལ་གཡར་ཏེ་གཞན་ལ་རེ་ཞིང་གཞན་རྩོམ་གཡར་མའི་རྣམ་པ་ཙམ་ངོམ་པ་ཞིག་ཀྱང་གཏན་མ་ཡིན་པར། འདི་ནི་ཁོང་གི་རྣམ་དཔྱོད་རྙོག་བྲལ་རྒྱ་མཚོའི་ཀློང་ནས་འཁྲུངས་ཤིང་། འདི་ནི་ཁོང་གི་འཇོན་ཐང་ཟླ་བྲལ་སོར་མོའི་རྩེད་འཇོ་ལས་ཡོངས་སུ་ཐོན་པ་ཞིག་ཏུ་ལགས་པས་ན།

07.jpg
06.jpg
09.jpg
10.jpg

   དེ་རིང་གཡུང་དྲུང་བོན་བཤད་སྒྲུབ་སློབ་གླིང་གི་ཚོགས་གཞོན་རྫ་ཚེ་དབང་བསྟན་འཛིན་ལགས་ཀྱིས་མི་བུ་སྤྱིར་བཏང་བ་ཞིག་གིས་བསྒྲུབས་མི་ཐུབ་པའི་ངོ་མཚར་ཆེ་བའི་ཕྱག་ལས་འདི་དང་། མཁས་རློམ་བརྒྱ་དང་ཁྲི་ཡིས་ཕོད་ཚོད་རང་འདོད་ཁོ་ནས་བཞེངས་མི་ནུས་པའི་བོད་མེ་སྤྲེལ་ལོའི་རྔ་ལྗོངས་ལི་ཐོ་གསར་པ་ལེགས་འགྲུབ་བྱུང་པ་ལ་བཀྲ་ཤིས་སྨོན་པ་སྟོང་གི་ཁ་གཡང་དང་། བདེ་ལེགས་ལེགས་སོ་ཁྲི་ཡི་ལྷ་དར་འཐེན་བཞིན་ཡོད་པས་མ་ཚད། སླད་མར་ཡང་མུ་ནས་མུ་རུ་རྔ་ལྗོངས་ལི་ཐོའམ་བོད་ཀྱི་ལི་ཐོ་འདི་དང་འདི་ལྟ་བུའི་ཚེ་སྲོག་གསར་པ་རེ་རེ་ཡི་གསོན་ཤུགས་དུས་ལྟར་རྒྱས་ཏེ། ང་ཚོའི་ཕྱི་ནང་སྣོད་བཅུད་གཉིས་ཀའི་ལེགས་ཉེས་འགྱུར་འགྲོས་མ་འདྲེས་གསལ་བོར་སྟོན་པའི་ཁྱད་མཚར་ལི་ཐོའི་ཤེས་རིག་འདི་ཉིད་ཉག་ཕྲ་བའི་དབུགས་རྒྱུན་ལ་གསོས་སྨན་བསྣན་ཏེ་ཉམས་པ་སླར་གསོ་དང་མ་ཉམས་གོང་འཕེལ་གྱི་ཕྱོགས་ལ་ཐུགས་ཁུར་ཟབ་བཞེས་ཆད་མེད་གནང་རྒྱུའི་རེ་བའི་འབོད་པ་ཡང་ཡང་ཞུ་བ་དང་།

51DB9A7F6A7D7411CEADAEABD1CF9113.jpg
རྩོམ་པ་པོ་རྫ་ཚེ་དབང་བསྟན་འཛིན།

   རྗེས་མར་ཁོང་གི་མཛད་འཕྲིན་སྔོན་ལས་རྒྱས་ཤིང་ཐུགས་ཀྱི་བཞེད་དོན་ལྷུན་གྲུབ་ཡོང་བའི་སྨོན་པ་དཀར་པོ་བཅས། གྲུབ་མཐའ་བོན་ལ་མཚོན་ན་འདི་འདྲ་གསར་བསྐྲུན་བཟོ་བ་དེང་སང་དཀོན་པའི་ཚད་དུ་སྣང་བ་མ་ཟད། མི་རིགས་བོད་ལ་མཚོན་ན་ཡང་འདི་འདྲ་བརྩམས་བསྐྲུན་བྱེད་པ་ཆེས་ཉུང་ཤས་ལྟ་བུར་གྱུར་འདུག་པའི་རྩོམ་པ་པོ་ཁོང་གི་མཛད་འཕྲིན་སྔ་ལས་ཡར་རྒྱས་ཡོང་བའི་མོས་འདུན་དང་བཅས་ཞུ།

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།